Conas Iarratas a Dhéanamh ar Athbhreithniú

An fhaisnéis is gá duit a sholáthar

D’ainm, do sheoladh, d’uimhir theileafóin agus aon sonraí teagmhála eile (e.g. seoladh ríomhphoist)
Ainm an chomhlachta phoiblí
Uimhir thagartha na breithe ón gcomhlacht poiblí (má tá an uimhir sin agat)
An táille cheart - amharc ar an rannán Táillí ar athbhreithniú
Faisnéis tacaíochta, má chreideann tú nach bhfuil aon táille le híoc agat nó go bhfuil táille laghdaithe le híoc agat
Sonraí faoi na codanna den bhreith ón gcomhlacht poiblí nach bhfuil tú sásta leo agus go bhfuil tú ag iarraidh orainn athbhreithniú a dhéanamh orthu

Molaimid do dhaoine ár bhfoirm iarratais ar líne a úsáid. Is é sin an bealach is éasca agus is tapa chun an fhoirm a chomhlánú.

Íoslódáil an fhoirm iarratais agus comhlánaigh í.
Cuir an fhoirm chomhlánaithe sa phost nó seachaid í chuig an seoladh seo a leanas: 6 Ardán Phort an Iarla, Baile Átha Cliath 2, D02 W773

Má sheol tú d’iarratas lasmuigh dár n-uaireanta oifige, caithfimid leis an iarratas amhail is dá bhfaighfí é ar an gcéad lá oibre eile.
Ní hionann an dáta a fuaireamar do ríomhphost nó do litir agus an dáta iarratais. Is é an dáta iarratais an dáta a fuaireamar an t-iarratas agus an táille cheart araon.

Admhóimid go bhfuarthas d’iarratas. Tabharfaimid fógra duit a luaithe a chinnfimid cé acu a ghlacfaimid nó nach nglacfaimid le d’iarratas.